Praktisk info
Informasjon om Kjeringi Open
Klassar
Det er 20 klassar som vert bestemt ut frå alder og kjønn.
I tillegg kan alle bedrifter måle krefter ved å melde seg på i bedriftsklassen. Dette gjeld alle 20 klassane.
Kjeringi Open har omlag 1/3 premiering i ordinære klassar. Premiane i Kjeringi Open har profil henta frå Kjeringasteinen, som du passerer på veg opp til toppen av Kjeringi. Høgda på Kjeringasteinen er kring 5 m.
Sjå høgdepunkt av «Morks disiplar» sin ferd frå fjell til fjord i den 25.utgåva av «vaorens vidlaste eventyr» i videoen under:
Aldersklassar
| Junior (10 – 16år) | Senior (17-39år) | Veteran (40-49år) | Superveteran (50år og eldre) | |
|---|---|---|---|---|
| Lag Open klasse | Lag open klasse junior | Lag open klasse senior | Lag open klasse veteran | Lag open klasse superveteran |
| Lag jente- /kvinne | Lag jente junior | Lag kvinne senior | Lag kvinne veteran | Lag kvinne supervetaran |
| Lag kombi | Lag kombi junior | Lag kombi senior | Lag kombi veteran | Lag kombi superveteran |
| Superkjering gutar / menn | Superkjering gutar junior | Superkjering menn senior | Superkjering menn veteran | Superkjering gutar junior |
| Superkjering jenter/kvinner | Superkjering jente junior | Superkjering kvinne senior | Superkjering kvinne veteran | Superkjering kvinne veteran |
Samansetting av klassane
| Open klasse | Herrelag eller 3 menn og ei kvinne |
| Jente-/kvinnelag | Kvinner på alle etappar |
| Kombilag | 2-3 kvinner og 1-2 menn. |
| Superkjering | Ein deltakar tek alle etappar. Kan kombinerast med å vere på lag. |
Reglar for aldersklassar
Individuelle deltakarar vert plassert i aldersklassar ut frå kva år dei er fødde. Det er alderen du fyller i løpet av året (alder per 31.12.) som gjeld.
Lag vert plassert i aldersklassar etter følgjande reglar:
- Viss alle på laget er i same aldersklasse deltek laget i aldersklassen til deltakarane.
- Viss det er juniorar på lag med ein eller fleire vaksne deltek laget i seniorklassen.
- Viss det er seniorar på lag med deltakar i andre aldersklassar deltek laget i seniorklassen.
- Viss det er superveteranar på lag med veteranar deltek laget i veteranklassen.
Bedriftsklasse
I bedriftsklassen kan bedriftene måle krefter, både som lag og individuelt. Deltaking i bedriftsklasse kjem i tillegg til deltaking i ein av dei andre klassane, og du markerer for bedriftsklasse i påmeldinga. Beste bedrift i open klasse, kombiklasse, dameklasse og klassen for superkjeringar vert premierte. Betaling for å delta i bedriftsklassane kjem som eit tillegg til den vanlege startkontingenten (sjå Prisar). Bedrifter som stiller i bedriftsklassen kan få tilsendt eiga resultatlista for bedrifta.