Torsdag 16. april vart det avgjort å endre 2.etappe frå langrenn til terrengløp. Det har smelta meir snø enn me antok og har difor hatt nye daglege vurderingar denne veka.

Deltakarinformasjon på kjeringiopen.no er oppdatert med korrekt informasjon og dette er også den versjonen som er skriven ut og lagt i deltakarposar. Det er viktig at de set dykk godt inn i den oppdaterte informasjonen frå 1.veksling og 2.etappe, som også er limt inn her:

TILLEGGSINFORMASJON FOR 1.etappe
I 2026 vil vekslinga etter 1.etappe vera tilbake på Damefall. Den siste delen må ein ta av ski og springe inn til vekslingsstasjon. For å redusere farten er det satt opp ei «sluse» med alpingjerde.

Dersom ein ønskjer at utstyret skal fraktast ned til Øvstestølen må dette leggjast att i sone for utstyrsbyte på veklsingsstasjon. Om du vel å leggje frå deg utstyret der snøen sluttar er du sjølv ansvarleg for å få utstyret henta att. Me ber dykk om å kaste utstyret vekk frå løypa! Kjeringi Open tek ikkje ansvar for eventuelt tap eller skade på utstyr som følgje av at ein ikkje tek det til vekslingsstasjonen.

2.ETAPPE LANGRENN

Me har godsnakka med Reidar og Stig på Intersport og fått utvida t-skjortefristen til onsdag 25. mars!

Det er per no rett i underkant av 200 påmelde deltakarar til Kjeringi Open 2026 i form av 66 superkjeringar og 33 lag. Det er ekstra gledeleg å sjå at det i junoprklassen er påmeldt heile 18 lag 11 superkjeringar. Det er ein solid auke frå eit allereie råsterkt år i fjor med born og unge som deltakarar, med hovudvekten av deltakarar frå barneskulen.

Arrangøren er positiv med tanke på årets løp og har god dialog med Røde Kors med tanke på ei trygg og god gjennomføring basert på mange alternative planar med utgangspunkt i snøforholda.

28 dagar att til vaorens vidlaste!

Kjeringi Open hadde måndag 21. april eit nyttig og viktig avklaringsmøte med Røde Kors knytt til gjennomføring av årets løp. Snømangelen byr på utfordringar, men i fellesskap har me no funne løysingar som sikrar gjennomføring og sikkerheit for deltakarane.

Følgjande endringar blir difor gjort i 2025-utgåva sin løyeptrasé:

• 1.etappen vil ha målgang/veksling på Øvre Stokksete, cirka 100 meter under Kalbakksvingen. Snøgrensa vil liggje noko høgare slik at ein spring dei siste 100-200 meter inn til veksling. Dette området har også tilstrekkeleg signal med tanke på tidtakinga. Kjeringi Open-nestorane Roar Werner Vangsnes og Karl Erik Johnsen har synfart nedfarten frå Kjeringafjell og har sett seg ut korleis løypa skal stikkast, dette skjer torsdag.
• 2.etappen endrast frå langrenn til terrengløp. Det er ikkje snø til gjennomføring av langrenn. Etappen vil då gå frå nemnte plassering i punkt over, raskaste veg direkte til Kleppa. Etappen vil vera på 3,5 – 4 km. Det er til vurdering om vekslingsstasjon skal flyttast til Husabøstølen, men førebels er det landa på Kleppa.
• Transport av utstyr frå 1.vekslingstasjon til Kleppa er spesielt krevjande i år sidan det ikkje er snø og me ikkje kan nytte snøskuter som vanleg. Me har difor fått avklart med Sogndal kommune at dette kan løysast med helikoptertransport som hengande last med landing på parkeringsplassen på Kleppa. Alle detaljar er ikkje på plass, men me vil koma tilbake til dette i god tid før helgi.

Endeleg deltakarinformasjon vert sendt ut og klargjort etter at Kjeringi Open har gjennomført funksjonærsamlinga tysdag kveld. Det er viktig for oss å få drøfta all informasjon med frivillige og henta innspel frå både dei og grunneigarar.

Spørsmål rettast til prosjektleiar Erlend Fardal Lunde på erlend@fardallunde.no.

Slinde Kran & Transport er ein aktiv gjeng og har lang erfaring med deltaking og som samarbeidspartnar. I 2025 blir dei Hovudsponsor og stiller med 12 deltakarar!

Eit godt døme for andre bedrifter. Slinde gir oss eit godt økonomisdk bidrag i 2025, og bidreg med konkurransevilje og glede frå fjell til fjord, seier prosjektleiar Erlend Fardal Lunde.

Før 2025-utgåva har Kjeringi Open strukturert opp sponsornivåa og fått på plass fleire samarbeidspartnarar. Slinde er saman med Intersport og Sparebank 1 Sogn og Fjordane dei tre største bidragsytarane til Kjeringi Open 2025.

Slinde Kran & Transport arbeidar med spesialtransport, kranbil og har daglege ruter mellom Austlandet og Sogn. Dei syt for rask og rimeleg frakt for både bedrifter og privatpersonar. Uansett om du har ein stor eller liten pakke så ordnar dei kva som helst.

Kjeringi Open gler seg til samarbeidet og ønskjer lukke til i løypa!