Kjeringi Open hadde måndag 21. april eit nyttig og viktig avklaringsmøte med Røde Kors knytt til gjennomføring av årets løp. Snømangelen byr på utfordringar, men i fellesskap har me no funne løysingar som sikrar gjennomføring og sikkerheit for deltakarane.

Følgjande endringar blir difor gjort i 2025-utgåva sin løyeptrasé:

• 1.etappen vil ha målgang/veksling på Øvre Stokksete, cirka 100 meter under Kalbakksvingen. Snøgrensa vil liggje noko høgare slik at ein spring dei siste 100-200 meter inn til veksling. Dette området har også tilstrekkeleg signal med tanke på tidtakinga. Kjeringi Open-nestorane Roar Werner Vangsnes og Karl Erik Johnsen har synfart nedfarten frå Kjeringafjell og har sett seg ut korleis løypa skal stikkast, dette skjer torsdag.
• 2.etappen endrast frå langrenn til terrengløp. Det er ikkje snø til gjennomføring av langrenn. Etappen vil då gå frå nemnte plassering i punkt over, raskaste veg direkte til Kleppa. Etappen vil vera på 3,5 – 4 km. Det er til vurdering om vekslingsstasjon skal flyttast til Husabøstølen, men førebels er det landa på Kleppa.
• Transport av utstyr frå 1.vekslingstasjon til Kleppa er spesielt krevjande i år sidan det ikkje er snø og me ikkje kan nytte snøskuter som vanleg. Me har difor fått avklart med Sogndal kommune at dette kan løysast med helikoptertransport som hengande last med landing på parkeringsplassen på Kleppa. Alle detaljar er ikkje på plass, men me vil koma tilbake til dette i god tid før helgi.

Endeleg deltakarinformasjon vert sendt ut og klargjort etter at Kjeringi Open har gjennomført funksjonærsamlinga tysdag kveld. Det er viktig for oss å få drøfta all informasjon med frivillige og henta innspel frå både dei og grunneigarar.

Spørsmål rettast til prosjektleiar Erlend Fardal Lunde på erlend@fardallunde.no.

Slinde Kran & Transport er ein aktiv gjeng og har lang erfaring med deltaking og som samarbeidspartnar. I 2025 blir dei Hovudsponsor og stiller med 12 deltakarar!

Eit godt døme for andre bedrifter. Slinde gir oss eit godt økonomisdk bidrag i 2025, og bidreg med konkurransevilje og glede frå fjell til fjord, seier prosjektleiar Erlend Fardal Lunde.

Før 2025-utgåva har Kjeringi Open strukturert opp sponsornivåa og fått på plass fleire samarbeidspartnarar. Slinde er saman med Intersport og Sparebank 1 Sogn og Fjordane dei tre største bidragsytarane til Kjeringi Open 2025.

Slinde Kran & Transport arbeidar med spesialtransport, kranbil og har daglege ruter mellom Austlandet og Sogn. Dei syt for rask og rimeleg frakt for både bedrifter og privatpersonar. Uansett om du har ein stor eller liten pakke så ordnar dei kva som helst.

Kjeringi Open gler seg til samarbeidet og ønskjer lukke til i løypa!

Kjeringi Open er glade for å annonsere at Intersport Sogndal blir vår nye generalsponsor. Avtale strekk seg over tre år, til og med Kjeringi Open i 2027.

Me er takksame for at Intersport Sogndal ser verdien av å bidra til vidareutvikling av vårt unike arrangement, slik at me i åra framover også kan uttrykka at me har konkurret frå fjell til fjord sidan 1993.

Intersport vil vera godt synlege under løpet, mellom anna med logo på startnummer og med stand i målområdet på Hanahaug. Du skal heller ikkje sjå vekk frå at det vil koma ut gode tilbod til deg som deltakar i forkant!

Kjeringi Open ser fram til eit sterkt og godt samarbeid med Stig, Reidar og resten av den fantastiske gjengen på Intersport.

Erlend Fardal Lunde er engasjert som prosjektleiar for Kjeringi Open 2025.

Han er allereie i gang med arbeidet og gledar til å få gjennomført  «vaorens vidlaste eventyr» i 2025, saman med Syril. 

Det blir spennande å vera ein del ein av dei lengstlevande idrettsarrangementa i regionen og som framleis har det største potensiale, seier Erlend.

Vi er glade for at Erlend blir med oss på laget, seier Karl Erik Johnsen. 

Erlend er ein bygdagut frå Systrond som var med i idrettslaget i yngre dagar. Han har gjennom mange år bygd kunnskap og kompetanse knytt til arrangement som vi kan nytta på beste måte når Kjeringi Open skal arrangerast i 26 april 2025. 

Skal Kjeringi Open overleve, må idrettslaget ha ein prosjektleiar. Vi trur Erlend kan vere med å tilføre Syril kunnskap og gjennomføringskraft som arrangementet treng inn i framtida, avsluttar Vangsnes.