Sparebank 1 Sogn og Fjordane har vore ein av våre viktigaste bidragsytarar frå fjell til fjord sidan 1993. For Kjeringi Open 2025 aukar dei støtta si og bidreg med kr 50.000

Kjeringi Open er avhengig av sterk frivilligheit og gode samarbeidspartnarar for å kunne skapa minneverdige augeblikk kvart einaste år. Saman med Sparebank 1 Sogn og Fjordane har me gjennomført Kjeringi Open Junior på Hanahaug til stor glede for born og unge.

Laila Ruud i Sparebank 1 Sogn og Fjordane gler seg til arrangementet:

Sparebank 1 Sogn og Fjordane, som er stolt sponsor for Idrettslaget Syril, har vore ein støttespelar til Kjerringi Open i mange år. Dette er eit flott arrangement for heile bygda og det er truleg kjekt for oss å få vera med og arrangera Kjeringi Open Junior.

Me i banken dukkar nok opp i år óg, og kanskje kjem Kåre Bjørn og Ekorn Elin på besøk? Me ønskjer Kjeringi Open masse lukke til med arrangementet.

Kjeringi Open takkar for at Sparebank 1 Sogn og Fjordane aukar sitt bidrag til arrangementet vårt og me ser fram til eit fortsatt sterkt og godt samarbeid!

Tradisjon tru opnar me for påmelding før nyttår! Vaorens vidlaste eventyr blir laurdag 26. april 2025.

T-skjortefristen er sett til 1.mars. Meld deg på no for å få den legendariske Kjeringi Open-skjorta gratis.

Påmeldingsskjema finn du her

Godt Nytt År frå alle oss i Kjeringi Open!

Kjeringi Open gjev seg ikkje etter 30 år! Vi er klare for 30 nye, og glade for å presentere årets plakat og logo, designa av Kjersti Isdal.

I år er det den flotte vårsola i bakkane opp Kjeringafjell som er motiv, med kjeringi i godt driv ned bratthenget.

Som alltid ønskjer vi alle erfarne og ferske deltakarar velkomne til eit nytt år med Kjeringi Open, til vennleg kappestrid og ei herleg utfordring i vårsola på Leikanger. Å vinne i Kjeringi Open handlar ikkje alltid om å komme først ned av fjellet, men om å utfordra seg sjølv og andre og ha ein fantastisk dag i lag!

I år som før kan du sikre deg den flotte t-skjorta med Kjeringi-motivet om du melder deg på før 24. mars, så få med deg vennar og kollegaar og meld deg på så snart som råd!

PÅMELDING